25 сентябрҙә Рәсәй сираттағы Олимпия сигенә етәсәк — Сочи ҡалаһында уҙасаҡ ҡышҡы Олимпия уйындарына тиклем 500 көн ҡала.

Ошо уңайҙан Рәсәй ҡалаларында төрлө байрамдар уҙғарыласаҡ. Бөтә Рәсәй акцияһында Өфө лә ҡатнаша. 25 сентябрҙә сәғәт 12-лә Ленин исемендәге майҙанда Өфө ҡалаһы хакимиәте һәм VI Халыҡ-ара балалар ҡышҡы уйындары дирекцияһы ярҙамында күп кеше ҡатнашлығында ла спорт сараһы үтәсәк, ә аҙағында волонтерҙар эстафетаһы буласаҡ. Шул уҡ көндө Ҡышҡы уйындарҙың исем туйы ойоштороласаҡ.
Сарала ҡатнашырға теләүселәр, 2-73-99-33 номеры аша VI Халыҡ-ара балалар ҡышҡы уйындары дирекцияһына шылтыратып, хәбәр итегеҙ.