Бөгөн Өфөлә Йәйге биатлон буйынса донъя чемпионаты асыла. Бәйгелә 17 ил спортсыһы ҡатнаша. Улар араһында биатлон “йондоҙҙары” — Украинанан Наталья Будрыга менән Вита Семеренко, Австриянан Алексей Альмуков, Ҡаҙағстандан Галина Вишневская менән Рәсәй йыйылма командаһы лидерҙарының береһе Антон Шипулин ҡатнашасаҡ. Шулай уҡ Башҡортостан спортсыһы Максим Чудов та стартҡа сығасаҡ.

Халыҡ-ара бәйге программаһында ҡатнаш эстафета, спринт, персьют (эҙәрлекләү ярышы) ҡаралған. Чемпионат “Биатлон” спорт комплексында үтә. Әйткәндәй, Башҡортостан юлдаш телеканалы барлыҡ бәйгеләрҙе лә күрһәтмәксе. Көйәрмәндәр тапшырыуҙарҙы телевизор аша ғына түгел, каналдың рәсми сайтында (www.tv-rb.ru) он-лайн режимында ла ҡарай аласаҡ.