Өфөлә Хоккей буйынса йәштәр командалары араһында донъя чемпионаты башланыуға өс ай самаһы ваҡыт ҡалды. Әһәмиәтле сара 2012 йылдың 26 декабрендә асылып, 2013 йылдың 5 ғинуарына тиклем дауам итәсәк.

Көйәрмәндәрҙең 30 сентябргә тиклем электрон абонемент бронләү һәм һатып алыу мөмкинлеге бар (Интернетта "сайт по продаже электронных билетов" тип эҙләргә мөмкин). Әммә был осраҡта билет хаҡына өҫтәп, 5 процент күләмендә хеҙмәтләндереү өсөн түләргә тура киләсәк. Электрон билетты 1 октябрҙән Спорт һарайының (Өфө, Зорге урамы, 35) кассаларында ҡәҙимге билетҡа алмаштырып буласаҡ.
1 октябрҙән билеттарҙы "Өфө – Арена", Спорт һарайы кассаларында, ҡаланың башҡа урындарында ла ирекле һатып алып буласаҡ.