Бөгөн беҙҙең “Салауат Юлаев” Екатеринг боҙонда йәнә “Автомобилист” менән осраша. Уйын киске сәғәт 5-тә башлана.

Үткән матчта, белеүебеҙсә, беҙҙең команда серияны еңеү менән башлауға өлгәште. Берҙән-бер шайбаны күршеләрҙең ҡапҡаһына Умарк һәм Ларсендың тапшырыуында Йонас Кемпайнен индерҙе.

“Беренсе матчҡа ҡарап ҡына серияға баһа бирергә ярамай”, – тине “Автомобилист” командаһының баш тренеры һәм артабан барыһы ла уңышлы булырына ышаныс белдерҙе.

Хоккей эксперттары, икенсе матчта командалар асығыраҡ уйын күрһәтер, тип иҫәпләй. Уларҙың фекеренсә, голдар биштән дә аҙ булмаясаҡ.