Алдан хәбәр итеүебеҙсә, бөгөн “Нефтсе” стадионында беҙҙең “Өфө” Мәскәүҙең “Динамо”һын ҡабул итә. Уйын тиҙҙән, сәғәт 2-се яртыла, башлана.

Әйткәндәй, әгәр беҙҙең команда еңелә икән, билет өсөн түләгән аҡсаны кире ҡайтарасаҡтар. Был хаҡта клубтың генераль директоры Шамил Ғәзизов белдерҙе.

Уйынға килгән һәр кем бүләк аласаҡ. Футболка, глинтвейн, хатта өр-яңы смартфон отоу мөмкинлеге лә бар.
Стадионда “Бүреләр” төркөмө сығыш яһаясаҡ. Ҡоймаҡ, сәй менән һыйлау ҙа ойошторола.

Ҡыҫҡаһы, йүгерҙек “Нефтсе”гә!