Көйәрмәндең түҙемлеге шартлап һынды. “Салауат Юлаев” хоккейсылары йәнә еңелде. Был юлы элекке көн Мәскәүҙә ЦСКА-нан (0:3). Эркка Вестерлунд етәкселегендәге әлеге тренерҙар штабына ышаныс белдереүҙең сиге булырмы-юҡмы?.. Һуңғы алты матчта бишенсегә отолабыҙ... Осрашыуҙан бер генә яҡты эҙ ҡалды. Ул да булһа – Мәскәүҙәге “Аҡ тирмә” милли-мәҙәни үҙәге ағзаларының башҡорт милли кейемендә командабыҙға теләктәшлек белдереү өсөн уйынға килеүе. Афарин, яҡташтар!