Өфөнән Тимур Сафин фехтование буйынса донъя кубогында уңышлы сығыш яһаны.
АҠШ-тың Лонг-Бич ҡалаһында үткән Гран-при серияһы турниры финалында Рәсәй рапирасыһы Америка спортсыһы Александр Массиаласты 15:10 иҫәбе менән еңде. Финалға табан юлда Сафин Британиянан Джеймс-Эндрю Дэвисты (15:14), ватандашыбыҙ Артем Седовты (15:8), чех Александр Шупеничты (15:5), француз Эрван Ле Пешты (15:12) һәм итальян Джорджо Аволены (15:12) уҙып китте.