Шул хәтлем үкенесле уйындар була, хатта бәхетһеҙ осраҡ тип әйтергә мөмкин...
“Салауат Юлаев”тың плей-офтағы тәүге матчы ла шулар рәтенә инә. “Аҡ Барыҫ”тан һуңғы секундта отолдо ул.
Ҡазандағы осрашыуҙа командалар типә-тиң уйнаны. Хатта ике яҡ хоккейсылары индергән голдар ҙа оҡшаш булды. Артабан йәшен тиҙлегендәй һөжүм итеүҙәр, штраф ваҡыты алыуҙар... Әммә башҡаса бер ҡапҡаға ла шайба инмәне. Хужалар ҙа, юлаевсылар ҙа овертаймды көткән кеүек тойолдо. Һөҙөмтәлә бынан ҡазандар отто – һуңғы мәлдә гол керетеп өлгөрҙөләр. 1:2 – серияла иҫәп беҙҙең файҙаға түгел.
Бөгөн икенсе матч уҙасаҡ. Юлаевсыларға еңелергә ярамай.