Республикабыҙ райондарында парашют спорты үҫешә. Мәҫәлән, Хәйбуллала район етәкселеге, мәғариф идаралығы ярҙамы менән Юнармия штабы ойошторолғайны. Ошо ойошма нигеҙендә йәштәрҙә илһөйәрлек тойғоһо тәрбиәләү һәм уларҙы хәрби хеҙмәткә әҙерләү үҙәге асылды. Уның эш майҙансығы тип Йәнтеш ауылы мәктәбе билдәләнде.
Әле Йәнтештә парашют-десант әҙерлеге класы менән таныштырыу сараһы уҙҙы. Унда район ха­ки­миәте вәкилдәре, мәк­тәп дирек­торҙары, десант ғәс­кәрҙәре ветерандары ҡатнашты.
Район хакимиәте башлығы Ра­ил Ибраһимов Ҡораллы Көс­тәргә хеҙмәткә әҙерләү, хәрби рухты ны­ғы­тыу, тарихты өйрәнеү йәһәте­нән секцияның әһәмиәтен билдәләне.
– Парашют секцияһына те­ләге булған һәр кеше йөрөй ала, – ти­не үҙәкте ойоштороу­сы­лар­ҙың береһе, ДОСААФ-тың төбәк бү­лексәһе белгесе Олег Комя­нин. – Иң элек һауа-десант әҙер­леге ойоштороласаҡ. Дә­рестәр клас­тарҙа, Йәнтеш ауы­лындағы үҙәктә уҙғарыласаҡ. Уҡыу курсын тулы­һынса үҙләш­тергәндәр имтихан тап­шырасаҡ.
Әйткәндәй, тәүге дә­рес­тәр фев­ралдә башлана. Әле 30 кеше унда йөрөү теләген белдергән.