Юҡ, быйыл Гагарин кубогына өмөт юҡ. Дүрт-биш кешенең тырышлығы менән генә алыҫ китеп булмай шул.
Илдәге башҡа көйәрмән­дәр “Салауат Юлаев”тың матч­тарын күңелдәре булып кү­ҙәт­һә лә, беҙҙекеләргә бер ҙә көлкө түгел. Өфөләр өс шай­ба­ға ал­да барһа ла, уйын улар файҙаһына бөтө­үен аңлат­май был. Шулай уҡ еңел генә үҙ­ҙә­ренең ҡапҡа­һына гол ин­дер­теп, еңелеп ҡуйыу­ҙары бар.
Мәскәүҙең “Динамо”һы ме­нән осрашыу бөтөнләй хәйер­һеҙ башланды. Тәүҙә үк ҡап­ҡабыҙға ике шайба инеп ятты. Кирилл Капризов һәм Игорь Григоренко ты­рышлы­ғы менән иҫәп тигеҙләнде лә ул, артығына көстәре, оҫта­лыҡтары етмәне шул. 2:6 – рәттән бишенсе отолоу.
Чемпионат аҙағынаса ал­ты уйын ҡалды. Плей-офҡа эләгербеҙ ҙә ул, бындай хәл­дә унда ни эшләмәк кәрәк?