Силәбелә ауыл халҡы һәм уҡыусылары араһында рус шашкаһы буйынса Бөтә Рәсәй беренселеге уҙҙы.
Унда Иркутск, Ҡурған, Свердловск һәм Силәбе өлкәләренән, Башҡортостандан, Бүрәт, Яҡут рес­публикаларынан, Пермь крайынан 120-нән ашыу спортсы ҡатнашты. Егеттәр һәм ҡыҙҙар дүрт йәш төркөмөндә көс һынашты. Башҡортостандан бәй­гелә Баймаҡ районының Ярат ауылынан Мәҙинә Мырҙабулатова, Ишбирҙенән Наҙгөл Үлйәбаева, Төркмән ауылынан Илнар Ҡолмөхәмәтов ҡатнаш­ты. Команданың тренеры Азат Әхмәтов булды.
2003 – 2005 йылда тыуған ҡыҙҙар араһында 10 йәшлек Мәҙинә Мырҙабулатова, ике алтын миҙал яулап, абсолют чемпион исеменә лайыҡ булды. 8 йәшкә тиклемге малайҙар араһында иһә Илнар Ҡолмөхәмәтов еңеп сыҡты.