Гандбол бик мауыҡтырғыс һәм файҙалы спорт төрө икән. Футболға оҡшаған, әммә тупты типкеләп түгел, ҡулы менән ырғытып гол индерә малайҙар. Иң мөһиме — сәмләнеп, тирләп-бешеп йүгерешә улар. Тимәк, сәләмәтлеген дә нығыта.

Әйтергә кәрәк, Гандбол буйынса Рәсәй чемпионаты уйыны менән генә түгел, ә уға ярашлы үткәрелгән башҡа саралар аша ла иҫтә ҡалды. Башҡорт гандбол йәмғиәте Рәсәйҙең Олимпия комитетынан төрлө бүләктәр ҡабул итте. Атап әйткәндә, Стәрлетамаҡ, Салауат, Нефтекама, Мәләүез ҡала­ларының ошо спорт төрөн үҙ иткән мәктәптәренә гандболды артабан үҫтереү маҡсатында төрлө ҡорамал тапшырылды. Бынан тыш, “Спортака­демия” спорт комплексын үҫтереү” (Стәрлетамаҡ ҡалаһы) проектының презентацияһы ла ойошторолдо. Ғөмүмән, төбәктә был спорт төрөнөң киң таралырына өмөт ҙур. Уйын һөҙөмтәләре генә күңелде ҡырҙы ул көндө…
“УГНТУ-ВНЗМ” менән Әстрхан командаһы алышы тәүге таймдан һуң шулай ҙа ниндәйҙер өмөт ҡалдыра ине әле – ул ҡунаҡтар файҙаһына 10:13 иҫәбе менән тамамланды. Әммә икенсе тайм башланыу менән беҙ­ҙекеләр отолорға кереште.
Әйткәндәй, командабыҙҙың си­раттағы уйыны 2 мартта Һарытау ҡалаһында үтте.