Белорет ҡалаһында СССР-ҙың спорт мастеры Рөстәм Шәйхелисламов иҫтәлегенә тау саңғыһы спорты буйынса Бөтә Рәсәй ярышы уҙғарыла.Бындай сара беренсегә 1987 йылда “Морат” тау саңғыһы үҙәгендә үткәрелгәйне. Ул күнекмәләр барышында фажиғәле һәләк булған Советтар Союзының йәштәр йыйылма командаһы ағзаһы Рөстәм Шәйхелисламов иҫтәлегенә арналды.
Һуңғы йылдарҙа Белоретта тейешле шарттар булмау арҡаһында, ярыштар Абҙаҡтағы һәм Яҡтыкүлдәге тау саңғыһы үҙәктәрендә ойошторолдо. Ике йыл элек “Морат” үҙәге реконструкцияланғас, сара ҡабаттан был төбәктә үткәрелә башланы.
Ярыш Рәсәйҙең Тау саңғыһы спорты федерацияһының календарь планына индерелде. Унда илебеҙҙең төрлө төбәктәренән күп спортсылар ҡатнаша. Быйыл иһә 2002 – 2003 йылдарҙа тыуған егеттәр һәм ҡыҙҙар көс һынаша.