10 декабрҙә Өфөләге “ВДНХ-Экспо” күргәҙмә комплексында шашка буйынса биш тапҡыр донъя чемпионы, халыҡ-ара гроссмейстер Тамара Танһыҡҡужина ҡатнашлығында пенсионерҙар араһында рус шашкаһы буйынса уйын ойошторола.

Өлкән йәштәгеләр был көндә “шашка батшабикәһе” менән көс һынаша ала. Иртәнге сәғәт 11-ҙә башланған турнирға (347) 246-41-36 телефоны аша яҙылырға мөмкин.
Әйткәндәй, сара 10-12 декабрҙә эшләйәсәк “50 Плюс. Өлкән йәштең барлыҡ ыңғай яҡтары” тип аталған күргәҙмә сиктәрендә уҙғарыла. Социаль йүнәлештәге проект өлкәндәргә ярҙам күрһәтеү системаһын үҫтереүгә йүнәлтелә. Уның маҡсаты — пенсионерҙарға заманса тормошҡа уңышлы яраҡлашыуҙа булышлыҡ күрһәтеү, уларҙы ҡыҙыҡлы сараларға йәлеп итеү, һаулыҡҡа иғтибарҙы арттырыу.
Бынан тыш, Бөтә донъя һаулыҡ һаҡлау ойошмаһы респуб­ликабыҙҙы “Ҡартлыҡ шатлыҡ булған ҡала” программаһында ҡатнашыусылар иҫәбенә лә индерҙе. Әле төбәктә 800 меңгә яҡын өлкән йәштәге граждан йәшәй.