Юғары хоккей лигаһында уйнаған Нефтекаманың “Торос” командаһы ярымфиналдағы дәғәүәсеһен – Ҡарағанданың “Һары арҡа”һын – дүртенсе уйында 2:0 иҫәбе менән ҡыйратты. Һөҙөмтәлә рәттән дүрт еңеү яулап, “плей-офф”тың һуңғы этабына сыҡты.


Серияның һәр осрашыуы кө­сөр­гәнешле үтте. Нимә генә тиһәң дә, “Һары арҡа” Юғары хоккей ли­гаһының төп бүләге “Братина кубогы”ның ғәмәлдәге ху­жа­һы һәм быйылғы миҙгел беренселе­генең еңеүсеһе бит. Заманында төп тро­фейҙы ике тапҡыр хаҡлы яулаған “Торос” егеттәре лә юға­лып ҡалғандарҙан түгеллеген күр­һәтте. Улар тәүге ике еңеүгә сит боҙҙа өлгәшкәйне, аҙаҡ көс-ҡеүә­тен үҙ майҙанында йәнә иҫбат­ла­ны. Егеттәребеҙгә финал уйын­да­рында ла уңыштар теләйек!