Австриялағы Бишофсхофен ҡалаһында трамплиндан саңғыла һикереү буйынса “Дүрт трамплин турнеһы” тамамланды.

Бәйгенең һуңғы стартында Австрия спортсыһы Михаэль Хайбек алдынғы булһа, дөйөм иҫәп буйынса уның ватандашы Штефан Крафт еңеп сыҡты. Рәсәй йыйылма командаһы составында Өфөнән Дмитрий Васильев иң яҡшы һөҙөмтә күрһәтте. Йомғаҡлау стартында — 21-се, турненың дөйөм иҫәбендә — 15-се, донъя кубогында 31-се булды ул. Башҡортостандан тағы ла бер спортсы Илмир Хажетдинов 25-се (дөйөм иҫәптә — 43-сө) һөҙөмтәне күрһәтте.