Киләсәктә был үҫмерҙәрҙең бил бирмәҫ көрәшсе буласағына ышанаһығыҙмы? Һис тә икеләнмәгеҙ – еңелеп бара торғандарҙан түгел Байназар мәктәбе уҡыусылары. Таһыллыҡтарын, милли көрәш үҙен­сәлектәрен яҡшы белеүҙәрен район күләмен­дәге бәй­гелә раҫлап ҡайтып ҡына торған саҡтарын­да тап иттек еңеүселәрҙе. Балалар-үҫмерҙәр спорт мәктәбе директоры ҡултамғаһы ҡуйылған Почет грамотаһын тапшырып та өлгөрмәгәйнеләр.

“Йәҙгәр” командаһы үҫмерҙәре спорттың был төрө менән етди шөғөлләнә. Нәзир Йәҙгәр улы Ғазин иҫтә­легенә йәш көрәшселәр араһында ярыштың даими үткә­релеүе лә таһыллы егеттәрҙе асыҡларға ярҙам итә. Буш ваҡыттарын файҙалы уҙғарыу менән бергә физик әҙер­лек тә кәрәк бит армия хеҙмәтенә барасаҡ ир-егеттәргә. Бынан тыш, сәләмәт йәшәү рәүешенә ылыҡ­тырыу өсөн дә бынамын тигән шөғөл. Һөҙөмтәлә мәктәп уҡыусылары араһында көрәш алымдарын яҡшы белгән, бай тәжрибә туплағандар артҡан. Мәҫәлән, әлеге район күләмендәге ярышта Рушан Сафин менән Айтуған Баязитов беренсе урынды бүлешһә, Азамат Ҡарағолов та уларҙан ҡалышмаған – почет пьедесталының икенсе баҫҡысына күтәрелгән.