Рөстәм Хәмитов сәнғәт, физик культура һәм спорт буйынса һөнәри программаларҙы тормошҡа ашырған дөйөм һәм өҫтәмә белем биреү ойошмаларының һәләтле уҡыусыларына ай һайын Башҡортостан Президенты стипендияларын түләү тураһындағы Указға ҡул ҡуйҙы.

Стипендиаттар исемлегенә Өфө, Ағиҙел, Белорет, Күмертау, Межгорье, Нефтекама, Октябрьский, Салауат, Сибай, Стәрлетамаҡ ҡалаларынан, Туймазы, Баҡалы, Балтас, Бәләбәй, Благовар, Благовещен, Борай, Дәүләкән, Дыуан, Ишембай, Краснокама, Көйөргәҙе, Мәләүез, Мишкә, Стәрлебаш, Стәрлетамаҡ, Өфө, Учалы, Федоровка, Хәйбулла, Яңауыл райондарынан 100 кеше инде.