18 октябрҙә Салауат районының Арҡауыл ауылында милли көрәш буйынса “Башҡортостан” гәзите Кубогына II асыҡ республика турниры үткәрелә.
Сираттағы бәйге арҙаҡлы көрәшсе Харис Йосоповтың тыуыуына 85 йыл тулыуға арнала. Ярышты ойоштороусылар – “Башҡортостан” гәзите редакцияһы, Бөтә донъя башҡорттары ҡоролтайының Башҡарма комитеты, Рәсәй Федераль Йыйылышы – Дәүләт Думаһы депутаты М. Йосопов ярҙамында Силәбе өлкәһенең Көрәш һәм билбау көрәше федерацияһы, Башҡортостан Республикаһының Көрәш һәм билбау көрәше федерацияһы, Салауат районы хакимиәте, “Янғантау” шифаханаһы. Бәйге сәғәт 10-да башлана.
Салауат батыр еренә рәхим итегеҙ, бил бирмәҫ көрәшселәр!
Ойоштороу комитеты.