12 – 14 сентябрҙә Сыуаш Республикаһында “Волга буйының спорт олимпы” спартакиадаһында Башҡортостан командаһы һәйбәт һөҙөмтә күрһәтте.
Чебоксар ҡалаһында ойошторолған бәйгелә Волга буйы федераль округының 14 төбәгенән йыйылған үҫмер дартс, волейбол, еңел атлетика, мини-футбол, өҫтәл теннисы, йөҙөү, стритбаскет, шашка буйынса көс һынашты. Республика данын Шәһит Хоҙайбирҙин исемендәге 1-се, Өфөнөң 9-сы, Стәрлетамаҡ, Петровский, Түбә, Шабай, Асҡар, Үҙән балалар йорто тәрбиәләнеүселәре яҡланы.
Спартакиаданың тәүге көндәренән үк юғары кимәлдәге әҙерлеген күрһәткән Башҡортостан командаһы стритбаскет буйынса – беренсе, дартс уйынында һәм дөйөм беренселектә икенсе урынды яуланы. Дартс буйынса шәхси беренселектә лә Арслан Әхмәтшин икенсе урынға лайыҡ тип табылды.