18 – 21 сентябрҙә Владикавказда билбау менән көрәш буйынса Рәсәй чемпионаты уҙҙы. Уның һөҙөмтәләре шаҡтай ҡыуаныслы.
Был сарала ҡатнашҡан Башҡортостан йыйылма командаһы биш ҡатын-ҡыҙ һәм 14 ир-егеттән тора. Ирҙәр йыйылма командаһы менән етәкселек итеүселәр – халыҡ-ара класлы спорт мастеры Рөстәм Арыҫланов, Рәсәйҙең атҡаҙанған спорт мастеры Альберт Рәхмәтуллин һәм көрәшсе Артур Зөлҡәрнәев үҙ категорияларында беренсе урын яуланы. Тап ошо еңеүҙәре һөҙөмтәһендә өс батырыбыҙ ҙа билбау менән көрәш буйынса Рәсәй йыйылма командаһы составына индерелде. Улар ноябрь айында Ашхабад ҡалаһында үтәсәк донъя чемпионатында иһә илебеҙ исеменән сығыш яһаясаҡ.