“КЭС-Баскет” мәктәп баскетбол лигаһы чемпионатын ойоштороусылар Башҡортостан уҡыусыларына бүләккә туп тапшырҙы. Сара Мәктәп баскетбол лигаһы вәкилдәренең кәңәшмәһенә ярашлы үткәрелде. Унда шулай уҡ киләһе миҙгелгә төп бурыстар билдәләнде.
Был сара республикабыҙ өсөн яҡшы йолаға әүерелде. Былтыр 6 300 туп бүләк ителгәйне. Быйыл турнирҙа ҡатнашыусылар күберәк булғанға күрә, уларҙың һаны ла артты.
Башҡортостандағы Мәктәп баскетбол лигаһында йыл һайын 65 меңдән ашыу үҫмер ҡатнаша. Киләһе миҙгелдә чемпионат ярыштары өс йәш категорияһы буйынса үткәрелә.