Ярышты Рәсәй Дәүләт Думаһы депутаты Марсель Йосоповтың ярҙамы менән район хакимиәте һәм “Табын” район гәзите редакцияһы ойошторҙо. Сараның маҡсаты — милли спорт төрҙәрен үҫтереү, сәләмәт тормош алып барыуға өндәү. Бәйгелә Ғафури, Ишембай райондары һәм Стәрлетамаҡ ҡалаһы вәкилдәре ҡатнашты.
“Табын батыры” исемен Стәрлетамаҡтан Айгиз Зәйнетдинов яуланы. Ярышта ҡатнашыусылар кубоктар, дипломдар һәм ҡиммәтле приздар менән бүләкләнде.