Рәсәй Президенты Владимир Путин илебеҙҙең йыйылма командаһы ағзалары — Сочиҙағы ХI Ҡышҡы Паралимпия уйындары чемпиондары һәм призерҙары менән осрашты, уларға дәүләт наградалары тапшырҙы.
Бүләкләнеүселәр араһында Башҡортостан спортсылары ла бар. Азат Ҡарасурин, Кирилл Михайлов Дуҫлыҡ ордены менән бүләкләнһә, Александр Давидович, Ирек Зарипов иһә Президенттың ҡулынан I дәрәжә “Ватан алдындағы хеҙмәттәре өсөн” орденын алды. Ирек Зарипов Владимир Путинға Паралимпия спортын үҫтереүгә булышлыҡ иткәне өсөн рәхмәт белдерҙе.