Йөҙҙәренән нур бөркөлгән факелсылар ҡалабыҙҙың Башҡорт дәүләт медицина университеты, Ленин исемендәге сквер, республиканың Милли, Археология һәм этнография музейҙары, шулай уҡ башҡа иҫтәлекле урындары аша меңәрләгән кешенең йөрәгендә усаҡ ҡабыҙып үтте.
Тулҡынландырғыс минуттар етте. Конгресс-Холл алдындағы майҙанда Башҡортостан Президенты Рөстәм Хәмитов, Рәсәй чемпионаты призеры, дзюдо буйынса Европа чемпионы, Бөтә Рәсәй һуҡырҙар йәмғиәте-нең Башҡортостандағы рәйесе Юрий Акшенцев менән бергә Паралимпия утын ҡабыҙҙы.
Рөстәм Зәки улы майҙанға йыйылыусыларҙы тәбрикләп, спортсыларыбыҙ менән һоҡланыуын белдерҙе.
— Олимпия уйындарында беҙҙекеләр юғары наградалар алды, был юлы ла миҙалдар булыр, тип ышанам. Беҙ уларға барлыҡ изге теләктәребеҙҙе еткерәбеҙ, еңеүгә көс-дәрт биреп торасаҡбыҙ, – тине ул.
Әйткәндәй, 26 февралдә башланған сара, Рәсәйҙең 45 ҡалаһында булып, 7 мартта – Паралимпиаданы асҡан көндә – Сочиҙағы “Фишт” стадионында тамамланасаҡ. Эстафетала утты меңдән ашыу кеше алып барҙы. Улар – спортсылар, билдәле артистар...
Быйылдан башлап бындай сара Бөйөк Британияның Сток-Мандевиль ҡалаһында ла уҙасаҡ, сөнки Паралимпия уйындарына башланғыс ошонда яралған. 1948 йылда Сток-Мандевилдә ойошторолған ярыш 1960 йылда Римда Паралимпия уйындарына нигеҙ һалған. Уны уҙғарыуға табип Людвиг Гутман ҙур көс һалған.

Факелды улар йөрөттө:
Юрий Акшенцев,
Артем Әбсәләмов,
Рөстәм Әхмәтов,
Лина Әхмәтшина,
Филүс Баймырҙин,
Марсель Байрамов,
Иван Белоусов,
Альбина Бирғәлина,
Гүзәл Бикбаева,
Вадим Боровик,
Миңлеислам Вахитов,
Эльвира Ғәлимова,
Светлана Ғәниева,
Светлана Долженко,
Андрей Жирнов,
Елена Зәйнуллина,
Николай Зайцев,
Михаил Зимин,
Альберт Камалов,
Дария Кан,
Андрей Коптев,
Наил Мамаджанов,
Сергей Мозолькин,
Валентин Пегов,
Екатерина Рассказникова,
Марат Сәйфуллин,
Илмир Солтанов,
Рауил Тереғолов,
Лиана Тимашева,
Сергей Трухачев,
Анастасия Устимова,
Тимур Фәйзуллин,
Ренат Фәүхетдинов,
Екатерина Федорова,
Тимур Хаматшин,
Айгөл Шиһапова,
Алена Ширкова,
Эльза Яныбаева,
Сухроб Йәрмөхәмәтов.