Межгорье ҡалаһында тыуып үҫкән спортсы Рәсәйҙең йыйылма командаһы составында эстафетала көмөш призер булды. Ольга Вилухина спринт буйынса ла көмөш миҙал яулағайны. Әңгәмә барышында Рөстәм Хәмитов биатлонсыны еңеүе менән ҡотланы.
— Һеҙгә артабан да спорт ҡаҙаныштары теләйем. Башҡортостанға ҡайтығыҙ, республика халҡы һеҙҙе шатланып ҡабул итер, — тине Рөстәм Хәмитов.
Ольга Вилухина Президентҡа ҡотлауы өсөн рәхмәт әйтте.
— Спорт карьераһын Башҡортостанда башлауым менән ғорурланам. Миңә сикһеҙ ышанғандарға һәм булышлыҡ иткәндәргә ҙур рәхмәт, — тине спортсы.