Рәсми өлөштән һуң Йәштәр хоккей лигаһы командалары “Толпар” менән “Ладья” матчы үтә. Тәнәфестәрҙә артистар сығыш яһаясаҡ, төрлө конкурстар, викториналар ойоштороласаҡ, “Салауат Юлаев”тың тренерҙары һәм хоккейсылары менән, шулай уҡ командабыҙ яулаған кубоктар янында фотоға төшөргә, уйынсыларҙан автограф алырға мөмкин буласаҡ.
Төштән һуң шунда уҡ “Ватан ҡайҙан башлана?” Бөтә Рәсәй фотокүргәҙмәһе эшләй. Артабан юлаевсылар һәм көйәрмәндәрҙең, “Салауат Юлаев” менән Ҡазандан “Аҡ Барыҫ” командалары ветерандарының көс һынашыуын ҡарай алаһығыҙ. Матч аҙағында иң яҡшы уйынсылар бүләкләнәсәк.