Вконтакте facebook Вконтакте Вконтакте
Гәзитте ойоштороусылар:
Башҡортостан Республикаһы
Дәүләт Йыйылышы — Ҡоролтай,
Башҡортостан Республикаһы Хөкүмәте
» » Һөйөнөстө лә, көйөнөстө лә уртаҡлашып...
Һөйөнөстө лә, көйөнөстө лә уртаҡлашып...Кеше үҙ ғүмерендә күп төрлө танытма-таныҡлыҡтар ала, шуларҙың иң беренсеһе һәм һуңғыһы мотлаҡ ЗАГС органдары тарафынан бирелә. Башҡортостан ЗАГС идаралығының Нефтекама ҡалаһындағы бүлек етәксеһе Фәнилә Нурыева менән әңгәмә барышында уларҙың хеҙмәтенең ябай ғына булмауын, яуаплы ла, мөһим дә икәнлеген аңланыҡ.

“ЗАГС” тигәндә тәү сиратта беҙ туй тантаналарын, урамдарҙан ҡысҡыртып уҙған машиналарҙы күҙ алдына килтерәбеҙ...
– Шулайыраҡ күнеккәнбеҙ шул. Туй йолаһы һәр халыҡта борондан йәшәй. Кеше ғүмерендә онотолмаҫлыҡ ваҡиға булған никах теркәүҙе ғаилә ҡороусы егет менән ҡыҙ ҙа, ата-әсәһе һәм туғандары ла оло байрам итеп үткәрергә тырыша. ЗАГС органдарында эшләүселәрҙең бурысы – никах теркәүҙе тантаналы шарттарҙа, иҫтә ҡалырлыҡ итеп ойоштороу. Дәүләт исеменән йәмғиәтебеҙҙең тәүге ойошмаһы – ғаилә барлыҡҡа килеүен рәсми рәүештә раҫлайбыҙ икән, башҡаса мөмкин дә түгел. Никахтарҙы тантаналы теркәүҙе республикабыҙҙың дәүләт телдәрендә алып барабыҙ. Быйыл 1067 (былтырғыға ҡарағанда 60-ҡа күберәк) ғаилә тыуыуын теркәнек. Шуныһы ҡыҙыҡ: йәштәр йыл, ай һәм көн һандарының тура килгән ваҡытын һайларға ынтыла. Мәҫәлән, 2008 йылдың һигеҙенсе айының һигеҙенсе көнөндә (8.08.2008) 73 никах теркәлде – был бөтә Рәсәйҙә иң юғары күрһәткес булып сыҡты. 2011 йылдың 11 ноябрендә беҙҙә 35 пар яҙылышты – быныһы инде республикала иң күбе булды.
Никах һарайының үҙенсәлекле архитектураһы, сара үткәреү өсөн уңайлы шарттарҙың булыуы һәм хеҙмәткәрҙәрҙең үҙ эшен тейешле кимәлдә башҡарыуы күрше ҡала һәм район йәштәрен дә ылыҡтыра. Уларҙы беҙгә саҡырып, тартып торған тағы ла бер “тылсымлы” әйберебеҙ бар. Халыҡ араһында киң танылыу алған йоланы иҫәпкә алып, ҡала хакимиәте ярҙамында яҡындағы аллеяла тимерҙән яһалған парлы “Бәхет ағасы” ҡуйҙыҡ: никахҡа инеүселәр ҙур теләк менән уларға үҙҙәренең “мөхәббәт йоҙаҡтары”н элә. Шуға күрә беҙҙә яҡын сит илдәрҙә йәшәүселәрҙең дә, Өфөнән затлы лимузиндарҙа килгән парҙарҙың да күплегенә аптырайһы түгел.
Йәшәгән урындан ситтә лә никах теркәп буламы ни?
– Ғәмәлдәге бер ҡанун да быны тыймай.
Һәр ата-әсә өсөн иң шатлыҡлыһы – бәпес тыуыу...
– Әлбиттә. Донъяға килеүсе сабыйҙар һаны буйынса Нефтекама ҡалаһы республикала тәүгеләр рәтендә. Былтыр 2121 сабыйҙы теркәгәйнек, әле улар 2140-ҡа етте. Тағы ла бер ҡыуаныслы хәл: һуңғы йылдарҙа әсәләрҙең игеҙәк ике һәм өс бала табыу осраҡтары йышайҙы.
Ҡаланың иң йәш граждандарына ниндәй исемдәр йышыраҡ ҡушыла?
– Башҡорт һәм татар ғаиләләре ҡыҙҙарын Әминә, Азалия, Самира тип, малайҙарын Әмир, Булат, Шамил һәм Хәлим тип атарға тырыша. Сабыйҙарын теркәргә килгән йәштәрҙең исем һайлауҙа ҡыйынлыҡ кисергәнен тойһаҡ, уларҙың теләген иҫәпкә алып, төрлө белешмәләр ярҙамында кәңәш бирәбеҙ.
Эшегеҙҙең башҡа йүнәлештәренә лә ҡағылһағыҙ ине, Фәнилә Ғариф ҡыҙы.
– Туҡһан алты йыллыҡ оло тарихы булған Рәсәй ЗАГС органдарының төп бурысы – һәр кешенең гражданлыҡ хәлен теркәү. Тыуыу, атайлыҡты билдәләү, уллыҡҡа (ҡыҙ итеп) алыу, никахҡа инеү һәм айырылышыу, вафат булыу һәм исем алыштырыу факттарын раҫлаған таныҡлыҡ биреү беҙгә йөкмәтелгән. Уларҙы әҙерләү тәртибе тейешле ҡанундар менән билдәләнә. Быйыл биш мең ярымдан артыҡ гражданлыҡ хәлен теркәү акты төҙөлдө, юридик яҡтан әһәмиәтле ғәмәли эштәр алты меңдән артты.
Алтын һәм гәүһәр туйҙарын билдәләүсе оло быуын вәкилдәрен тәбрикләүҙе лә тантаналы шарттарҙа ойошторабыҙ. Быйыл 60 пар юбилярға республика Президентының ҡотлауын, иҫтәлекле бүләктәр тапшырҙыҡ.
Ҡала кимәлендә үткән төрлө байрам сараларында ла ихлас ҡатнашабыҙ. Йәй көндәрендә 50 йәш парҙың законлы никахын теркәү Нефтекаманың ярты быуатлыҡ юбилей тантаналарының бер өлөшө булды. Шулай уҡ 8 июлдәге “Ғаилә, мөхәббәт һәм тоғролоҡ көнө”н, ноябрҙең һуңғы йәкшәмбеһендәге “Әсә көнө”н матур итеп билдәләйбеҙ.
Беҙ йыл да ЗАГС идаралығы ойошторған төрлө республика конкурстарында ҡатнашабыҙ. “Никах теркәү тантанаһын иң яҡшы алып барыусы”, “Милли йолалар нигеҙендә никах теркәүҙең өлгөлө сценарийы”, “Яңы тыуған сабыйҙың үҙенсәлекле фотоһүрәте” тип исемләнгән бәйгеләрҙә тәүге урындарҙы алдыҡ. Рәсәй Юстиция министрлығының Башҡортостан Республикаһы буйынса идаралығы тарафынан өс йылға бер уҙғарылған тикшереүҙе уңышлы үттек – был да эшебеҙгә юғары баһа.
Өҫтәүенә бала табыу йортонда, махсус интернат-мәктәптә ата-әсә һәм ғаиләнең роле тураһында әңгәмәләр ойошторабыҙ, лекциялар менән сығыш яһайбыҙ.
Һанап киткән мөһим эштәрегеҙ, уңыштарығыҙ артында кемдәр тора һуң?
– Үҙ бурысына яуаплы ҡараған хеҙмәткәрҙәребеҙ менән ғорурланам. Тәү сиратта тәжрибәле Рәзидә Нуриәхмәтова, Татьяна Леушева һәм Лилиә Лисицынаны әйтер инем. Йәш белгестәребеҙ Ләйсән Насипова, Ирина Әхмәтйәнова, Регина Хөснимәрҙәнова һәм Гөлназ Хәйбрахмановалар уларҙан өлгө ала.
Һөнәри байрам көнөндә ветерандарыбыҙ – ЗАГС органдарында өс тиҫтә йылдан артыҡ фиҙакәр эшләгән Валентина Глуховаға, бүлекте ун йыл уңышлы етәкләгән Рәзинә Ғилмуллинаға, шулай уҡ хеҙмәттәре менән ҡала халҡының лайыҡлы ихтирамын яулаған Римма Хәлимуллина менән Ирина Хәйҙәроваға оло рәхмәттәр әйтеп, ҡотлау һүҙҙәрен еткергем килә.
Һеҙгә уңыштар теләйбеҙ! Халыҡтың һөйөнөс-көйөнөстәрен уртаҡлашыусы хеҙмәткәрҙәргә именлек һәм һаулыҡ юлдаш булһын!




Беҙҙе Яндекс Дзен лентаһында уҡығыҙ

В ОдноклассникахВконтакте

Комментарий өҫтәргә






Төйәләҫтәр алыҫҡа йөрөмәҫ

Төйәләҫтәр алыҫҡа йөрөмәҫ 30.03.2019 // Социаль мәсьәлә

Сибай ҡалаһының Төйәләҫ ҡасабаһында йыл аҙағында заман талаптарына яуап биргән фельдшер-акушерлыҡ...

Тотош уҡырға 2 259

Көслө рухлыларҙы йыйҙы "Баһадир"

Көслө рухлыларҙы йыйҙы "Баһадир" 29.03.2019 // Социаль мәсьәлә

Баймаҡтың “Баһадир” физкультура-һауыҡтырыу комплексында һаулыҡ мөмкинлектәре сикләнгән балалар һәм...

Тотош уҡырға 1 168

“Ахай” өлкәндәрҙе көтә

“Ахай” өлкәндәрҙе көтә 29.03.2019 // Социаль мәсьәлә

Ярҙамға мохтаж ололар, инвалидтар унда яҡлау таба....

Тотош уҡырға 1 617

Иң яҡшы бүләк – аралашыу

Иң яҡшы бүләк – аралашыу 27.03.2019 // Социаль мәсьәлә

Ишембай районының Петровский ауылындағы балалар йорто тәрбиәләнеүселәре Өфө дәүләт нефть техник...

Тотош уҡырға 1 279

"Бөгөндән ҡабул итергә әҙербеҙ"

"Бөгөндән ҡабул итергә әҙербеҙ" 27.03.2019 // Социаль мәсьәлә

Ошо көндәрҙә Башҡортостан дәүләт медицина университетынан буласаҡ табиптар эш биреүселәр менән...

Тотош уҡырға 1 289

Үҙебеҙҙә дауаланһындар тиһәк…

Үҙебеҙҙә дауаланһындар тиһәк… 27.03.2019 // Социаль мәсьәлә

Республика йортонда Башҡортостан Башлығы вазифаһын ваҡытлыса башҡарыусы Радий Хәбиров “Сәләмәтлек...

Тотош уҡырға 1 079

"Генус" менән килешеү өҙөлә

"Генус" менән килешеү өҙөлә 26.03.2019 // Социаль мәсьәлә

Башҡортостан Хөкүмәте “Генус” шәхси компанияһы менән Салауат бала табыу йортона бәйле концессион...

Тотош уҡырға 1 109

Ысын дуҫлыҡҡа нигеҙ

Ысын дуҫлыҡҡа нигеҙ 25.03.2019 // Социаль мәсьәлә

Бөрйәндә һаулыҡ мөмкинлектәре сикләнгән һәм ата-әсә ҡарауынан мәхрүм ҡалған балалар өсөн “Бәләкәй...

Тотош уҡырға 1 211

Каринэ Хәбирова аш-һыу серҙәрен дә асты

Каринэ Хәбирова аш-һыу серҙәрен дә асты 24.03.2019 // Социаль мәсьәлә

Башҡортостан Башлығы вазифаһын башҡарыусы Радий Хәбировтың ҡатыны Каринэ Александровна...

Тотош уҡырға 1 197

“Иң ҡырҡыу мәсьәлә – табиптар етешмәүе”

“Иң ҡырҡыу мәсьәлә – табиптар етешмәүе” 22.03.2019 // Социаль мәсьәлә

“Рәсәй 24” телеканалына биргән интервьюһында Башҡортостан Башлығы вазифаһын ваҡытлыса башҡарыусы...

Тотош уҡырға 1 255

Аҙнаһына дүрт көн эшләрҙәрме?

Аҙнаһына дүрт көн эшләрҙәрме? 21.03.2019 // Социаль мәсьәлә

Республикала өс һәм унан күберәк бала тәрбиәләгән әсәләрҙең аҙнаһына дүрт көн эшләй, хеҙмәтен...

Тотош уҡырға 1 109

Ҡала табиптарының үҙҙәренә лә ярҙам кәрәк

Ҡала табиптарының үҙҙәренә лә ярҙам кәрәк 21.03.2019 // Социаль мәсьәлә

“Һаулыҡ сәғәте”ндә төбәк етәксеһе Радий Хәбиров республиканың ҡала дауаханаларына эшкә барған...

Тотош уҡырға 1 168