Мәктәп уҡытыусыһы Башҡортостан предприятиеларын һаҡлау өсөн «БАРС» отрядына яҙылған

Предприятиеларҙы һәм тыныс халыҡты һаҡлау – намыҫ эше, үҙ балаларың һәм уҡыусылар өсөн мөһим өлгө. «Барс» республика отрядының зенит үҙйөрөшлө ҡоролмаһы командиры, «Уҡытыусы» позывнойлы яугир шулай тип иҫәпләй. «Горобзор» мәғлүмәт-яңылыҡтар порталы хәбәр итеүенсә, Башҡортостанда стратегик объекттарға һөжүмдәр башланғас яҡташыбыҙ контракт төҙөргә хәл иткән.

Бынан тыш, яугирҙең һөнәрен һаҡлап ҡалыу мөмкинлеге бар. «Уҡытыусы» БАРС-ты «2 айға 2» схемаһы өсөн һайлаған, был төп эш менән отрядта хеҙмәт итеүҙе берләштерергә мөмкинлек бирә.

 «Уҡытыусы» үҙ һөнәренең оҫталығын хәрби позицияла ла ҡуллана: тыңлай белеү, тиҙ арала ҡарар ҡабул итеү һәм ғәҙәти булмаған фекерләү һәләте хеҙмәттәштәре менән уртаҡ тел табырға ярҙам итә. Хеҙмәт, үҙ сиратында, сыҙамлыҡҡа һәм стратегик фекерләргә өйрәтә. Граждандар эше өсөн дә бик мөһим һыҙат был.

Яугирҙең хәләл ефете Елена иренең ҡарарын тыныс ҡабул иткән.

«Ул командировкала саҡта өй һәм мәктәп мәсьәләләрен үҙем хәл итәм. Ауыр, әммә мөмкин. Түләүҙәр ваҡытында килә, ғаилә өсөн етерлек. Өс балабыҙ бар, улар атайҙары менән ғорурлана. Малайҙар иғтибарлы, йыйнаҡ, ярҙам итергә әҙер тора, ҡыҙыбыҙ ҙа уларҙан ҡалышмай», — ти Елена.