Белорет районында МХО ҡатнашыусыһы ветерандарға һәм уларҙың ғаиләләренә ярҙам итәсәк

Белорет районында МХО ветерандары ассоциацияһы рәйесе урынбаҫары итеп Юрий Маврин тәғәйенләнде. Ул дөйөм мәсьәләләр өсөн яуап бирә.

Юрий Маврин 2022 йылдың көҙөндә өлөшләтә мобилизация сиктәрендә фронтҡа ебәрелгәндән һуң МХО бурыстарын үтәй. Сержант дәрәжәһендә бүлек командиры булып хеҙмәт итә. Күрһәткән батырлығы һәм оҫта етәкселеге өсөн Жуков миҙалы менән бүләкләнә. Ҡаты яраланғандан һуң 2025 йылда тыуған яҡтарына ҡайта.

Әммә Маврин дөйөм эштән ситтә ҡалмай. Хәҙер уның тәжрибәһе һәм белеме МХО-ла ҡатнашыусыларға һәм ветерандарға ярҙам итеүгә йүнәлтелә.

Бынан алдараҡ Башҡортостандың МХО ветерандары ассоциацияһы рәйесе, республика Башлығы ярҙамсыһы Оскар Ситдиҡов фронттан ҡайтҡан һалдаттарға мөһим һүҙҙәр менән мөрәжәғәт итте. Ошо хаҡта тулыраҡ «Башинформ» материалында уҡырға мөмкин.