Республиканың Һаулыҡ һаҡлау министрлығында кадрҙар үҙгәрҙе

Һаулыҡ һаҡлау министры урынбаҫары вазифаһына Владислав Гришаев тәғәйенләнде. Уға финанс-иҡтисади блокты алып барыу бурысы йөкмәтелде. Мәғлүмәт ведомствоның сайтында баҫылған.

Асыҡ сығанаҡтарҙан алынған мәғлүмәттәр буйынса, Владислав Борисович 2001 йылда БДМУ-ның дауалау факультетын тамамлаған. Яуаплы вазифаға тәғәйенләнгәнсе  Өфөнөң 13-сө ҡала клиник дауаханаһында – баш табиптың дөйөм мәсьәләләр буйынса урынбаҫары, артабан республика кардиология үҙәгендә баш табиптың дөйөм мәсьәләләр буйынса урынбаҫары булып эшләй, шулай уҡ «Башфармация» дәүләт унитар предприятиеһында ваҡытлыса генераль директор вазифаһын башҡара.