Башҡортостан районынан 39-сы гуманитар ылау алғы һыҙыҡҡа килеп етте

Ошо көндәрҙә Архангел районынан яҡташ яугирҙәр өсөн утыҙ туғыҙынсы гуманитар ылау алғы һыҙыҡҡа килеп етте. Урындағы эшҡыуарҙар һәм халыҡ көсө менән кәрәк-яраҡтар: генераторҙар, квадроцикл, төҙөлөш материалдары, аҙыҡ-түлек йыйылған, шулай уҡ яҡындарынан исемле посылкалар илтеп тапшырылған. Был хаҡта район хакимиәте башлығы Айрат Сәйетғәлин хәбәр итте.

«Район халҡына һәм эшҡыуарҙарына, яугирҙәребеҙгә бер нисә тапҡыр ярҙам ҡулы һуҙғандарҙың барыһына ла рәхмәт белдерәбеҙ. Беҙҙе һаҡлаусыларға йөктө имен-аман алып барып тапшырған водителдәргә һәм коллегаларға рәхмәт», – тип билдәләне ул.

Бынан алдараҡ «Башинформ» ирекмәндәр көн һайын хәрби хеҙмәткәрҙәр өсөн гуманитар ярҙам йыйған Өфө складынан репортаж баҫтырып сығарғайны.