Башҡортостанда МХО ветерандарын һөнәри оҫталыҡ конкурсына саҡырҙылар

Башҡортостанда «Икенсе старт» номинацияһы буйынса «Һөнәре буйынса иң яҡшыһы» Бөтә Рәсәй һөнәри оҫталыҡ конкурсының төбәк этабы уҙғарыла.  МХО ветерандарына ярҙамға итеүгә йүнәлтелгән сара 15 майҙа була, тип асыҡлыҡ индерҙеләр республика хөкүмәтендә.

Махсус номинация ҡатнашыусыларҙы төрлө белгеслектәр буйынса саҡыра. Көҙ көнө конкурстың төбәк этабында еңеүсе беренселек һәм төп аҡсалата приз – 1 миллион һум өсөн федераль этапта көрәшә. Конкурс «Кадрҙар» милли проекты булышлығында уҙғарыла.

Башҡортостандың ғаилә, хеҙмәт һәм халыҡты социаль яҡлау министры Ольга Кабанова билдәләүенсә, «Икенсе старт» күңеленә оҡшаған эш менән шөғөлләнгән һәм һөнәри ҡаҙаныштары хаҡында һөйләй алған кешеләр өсөн яҡшы стимул булып тора. 

Конкурсҡа махсус хәрби операция ветерандарын һәм ҡатнашыусыларын (21 йәштән өлкәнерәк) саҡыралар. Һынауҙар ярыш майҙансығында, шулай уҡ ситтән тороп үткәрелә (ҡатнашыусылар видеоролик йәки электрон презентация күрһәтә).

 «Һөнәре буйынса иң яҡшыһы» конкурсының «Икенсе старт» номинацияһында еңеүсе октябрь айында Һамар өлкәһендә Башҡортостан исеменән сығыш яһай.