Башҡортостанда бер йылда ЭКО ярҙамында 455 сабый, шул иҫәптән 14 игеҙәк тыуған
Башҡортостанда 2024 йылда ЭКО ярҙамында 455 сабый, шул иҫәптән 14 игеҙәк тыуған. Был хаҡта республиканың Һаулыҡ һаҡлау министрлығынан хәбәр иттеләр.
Ведомствола билдәләүҙәренсә, былтыр республикаға ярҙамсы репродуктив технологияларға 2178 квота бүленгән, шул иҫәптән 1743 ЭКО процедураһына һәм 435 криокүсереү программаһына. Бер йылда көндөҙгө стационарҙа 829 ҡатын-ҡыҙ түлһеҙлектән дауаланған, 250-һе йөккә уҙған, был иһә ЭКО программаһының түлһеҙлектән яфаланған ғаиләләр өсөн мөһим булыуын һәм уның демография үҫешенә тос өлөш индереүен дәлилләй.
ЭКО программаһы Республика медицина-генетика үҙәгендә бойомға ашырыла, унда репродуктив медицина өлкәһендә яңы технологиялар әүҙем индерелә. Үҙәктә көндөҙгө стационар эшләй.
Хәбәр иткәнебеҙсә, Башҡортостандың Урал аръяғында тәүге «батша игеҙәктәре» тыуған.