Алтын көҙҙөң сағыу япраҡтары
Бүләк иткән беҙгә аҫыл ирҙе.
Илебеҙгә тоғро хеҙмәт итеп,
Данға күмһен өсөн илебеҙҙе.

Халҡым өсөн булды ул аҡһаҡал,
Һәр һүҙе гәүһәргә торорлоҡ.
Төркиәт күгендә – яҡты йондоҙ,
Телебеҙ фәнендә – ғорурлыҡ.

Яҡташтары өсөн – ил ағаһы,
Ҡор башы ул ”Оло Эйек”тә.
Туғандары өсөн – нәҫел ҡото,
Таяныс һәм ныҡлы терәк тә.

Шәкерттәре өсөн – бөйөк остаз,
Фән иленә юлдар ярыусы.
Уның мәктәбендә үҫеп сыҡты
Күпме тел белгесе, яҙыусы!

Атай өлгөһөндә гөрләп тора
Ғаиләһе – белем усағы.
Ул ултыртҡан изге орлоҡтарҙың
Уңыш бирер әле барсаһы!