Республикала йөҙйәшәрҙәр бихисап, әммә был йәһәттән Октябрьский ҡалаһына етеүсе юҡ.

Мәҫәлән, күптән түгел үткән һайлауҙа ҡалала 100 йәште үткән алты һайлаусы теркәлгән. Уларҙың “иң кесе”һенә – 100 йәш, иң олоһона – 103. Ветерандар һайлау хоҡуғынан үҙ йортонда файҙаланған: уларға участка һайлау комиссияһы вәкилдәре күсмә йәшник менән килгән. Ололарҙың барыһына ла бүләк биргәндәр.