Башҡортостан Президенты Рөстәм Хәмитовтың Указына ярашлы, Илдар Бикбаев Башҡортостан Республикаһының Йәмәғәт палатаһы аппараты етәксеһе итеп тәғәйенләнде.

Бикбаев Илдар Зинур улы 1959 йылда Иглин районының Урман ҡасабаһында тыуған. Ленин орденлы Үҙәк дәүләт физик культура институтын тамамлаған.
Хеҙмәт эшмәкәрлеген 1974 йылда Өфөнөң һығылмалы валдар заводында башлай. Төрлө йылдарҙа Мәскәү медицина стоматология институтында, Башҡорт дәүләт университетында уҡыта. 1986–2013 йылдарҙа Ҡораллы Көстәр сафында хеҙмәт иткән. Дәүләт наградаларына, шул иҫәптән “Башҡортостан Республикаһының атҡаҙанған физик культура хеҙмәткәре” тигән маҡтаулы исемгә эйә. Башҡортостандың Йәмәғәт палатаһы составына ике тапҡыр һайланған.