Башҡортостан Президенты Рөстәм Хәмитов Динар Зөбәйеровты Башҡортостан Республикаһының йәштәр сәйәсәте һәм спорт министры урынбаҫары итеп тәғәйенләү тураһындағы бойороҡҡа ҡул ҡуйҙы, тип хәбәр иттеләр республика Хөкүмәтенең матбуғат хеҙмәтенән.

Зөбәйеров Динар Тәлғәт улы 1971 йылда Өфөлә тыуған. Өфө дәүләт авиация техник университетын тамамлаған. Хеҙмәт эшмәкәрлеген “Башкультинвест” реклама-коммерция берекмәһендә белгес булып башлаған, 2012 йылдың майынан алып әлегә тиклем Йәштәр сәйәсәте һәм спорт министрлығының административ-хоҡуҡи бүлеге етәксеһе булып эшләгән.
Яңы урынбаҫар бухгалтерлыҡ иҫәбе, юридик мәсьәләләр һәм кадрҙар, ведомство-ара эш итеү мәсьәләләрен көйләйәсәк.