Башҡортостан Республикаһы Президент гранттары фондының 2027 йылдағы беренсе конкурсына тапшырылған проекттар һаны буйынса 11 лидер төбәк (Мәскәүҙән башҡа) иҫәбенә инде.

Конкурста тотош илдән коммерцияға ҡарамаған ойошмалар ҡатнаша, тип билдәләнеләр Президент гранттары фондында.

Тапшырылған проекттар һаны буйынса шартлы рейтингта беренсе баҫҡыста – 478 ғариза менән Башҡортостан. Иң яҡшы биш төбәк иҫәбендә Белгород өлкәһе (389 проект), Омск өлкәһе (349), Санкт-Петербург (337) һәм Силәбе өлкәһе (317) бар.

Артабан Һамар, Свердловск өлкәләре, Татарстан Республикаһы, Краснодар крайы, Красноярск крайы һәм Удмурт Республикаһы килә.

Президент гранттары фонды – граждандар йәмғиәтен үҫтереүгә йүнәлтелгән президент гранттарының баш операторы. Ул йылына ике тапҡыр конкурстар үткәрә, уларҙа коммерцияға ҡарамаған ойошмалар ғына ҡатнаша ала. Грант социаль әһәмиәтле проектҡа бирелә – аҡсаны ойошманың устав эшмәкәрлеге өсөн тотонорға ярамай.

2027 йылдың беренсе конкурсына ғаризалар ҡабул итеү 2026 йылдың 9 ноябрендә тамамланды. Конкурсҡа йомғаҡ киләһе йылдың 1 февраленә тиклем яһала.