Министрҙар кабинетының яңы етәксеһе тирәләй ысын мәғлүмәт һуғышы бара.

Яуыз уйлы кешеләр «Класташтар»ҙа Александр Шельдяевтың ялған сәхифәһен булдырған. Был аккаунт уның буш булыуын күрһәтә. Унда бер нисә генә фото, яҙмалар һәм дуҫтар юҡ. Шул уҡ ваҡытта премьер-министрҙың ысын аккаунтында 800-ләгән дуҫ һәм бихисап яҙма бар.

«Мутлашыусылар һәм провокаторҙар даими рәүештә юғары вазифа биләгән чиновниктарҙың сәхифәләренең күсермәләрен эшләй, уларҙың исеменән ялған мәғлүмәт таратыу йәки алдау юлы менән аҡса алыу өсөн», – тип билдәләй «Башҡортса фактчекинг».

Әйткәндәй, был беренсе тапҡыр ғына Александр Шельдяевтың исеменә ҡара яғырға маташыу түгел. Элек дошмандар ялған указдар һәм «криминаль тарихтар» уйлап таба, Telegram-каналда аккаунтының күсермәһен эшләй ине.