Башҡортостан Башлығы Дәүләт Йыйылышы спикеры вазифаһына Назаровтың кандидатураһын тәҡдим итте

Башҡортостан Башлығы Радий Хәбиров Дәүләт Йыйылышы спикеры вазифаһына Андрей Назаровтың кандидатураһын тәҡдим итте.

«Мин, партияның төбәк бүлексәһе секретары булараҡ, «Берҙәм Рәсәй» фракцияһына Дәүләт Йыйылышы рәйесе вазифаһына тәғәйенләү өсөн Андрей Геннадьевич Назаровтың кандидатураһын тәҡдим иттем. Был мәсьәләне иртәгә үк ҡарайбыҙ. Дәүләт Йыйылышы беҙҙе хуплар ышанам», — тине Башҡортостан Башлығы.

Бынан алдараҡ Башҡортостан Башлығы Андрей Назаров менән эшләгән йылдарҙы тотош дәүер тип атаны.