Рәсәйҙең Үҙәк һайлау комиссияһы тауыш биреүҙең яҡынса һөҙөмтәләрен атаны

Үҙәк һайлау комиссияһы етәксеһе Элла Памфилова Дәүләт Думаһына депутаттар һайлауҙың яҡынса һөҙөмтәләрен иғлан итте. Протоколдарҙың 13,88 процентын эшкәртеү һөҙөмтәләре буйынса «Берҙәм Рәсәй» 57,54% тауыш йыйған, КПРФ — 13,67%, ЛДПР — 9,27%, «Яңы кешеләр» — 7,96%, «Ғәҙел Рәсәй» — 5,16%.

Илдә халыҡтың 56% проценты һайлауҙа ҡатнашҡан.

БР Үҙәк һайлау комиссияһының мәғлүмәттәренә ярашлы, 20 сентябрь киске сәғәт алтыға ҡарата Башҡортостанда 2 091 854 миллион кеше тауыш биргән, тип хәбәр итте Башинформ. Шулай итеп, әлеге ваҡытҡа төбәктә һайлауға килеү күрһәткесе 71,52 процент тәшкил иткән.