Башҡортостандың Үҙәк һайлау комиссияһы тауыш биреүҙең беренсе көнөнә йомғаҡ яһаны

Башҡортостанда һайлауҙың беренсе көнөндә халыҡтың 31,89 проценты тауыш бирҙе. 18 сентябргә ҡарата мәғлүмәттәрҙе республиканың Үҙәк һайлау комиссияһы рәйесе урынбаҫары Марат Ғәҙелов хәбәр итте.

«Был һәйбәт һөҙөмтә», — тип билдәләне Марат Ғәҙелов.

Нефтекама, Салауат ҡалалары, Асҡын, Благовар, Ейәнсура, Салауат һәм Яңауыл райондары халҡы әүҙемлек күрһәтте, тип өҫтәне ул.