Башҡортостан Башлығы Радий Хәбиров Рәсәй Федерацияһы Президенты Владимир Путиндың рәхмәт хатына лайыҡ булды.
Дәүләт башлығының Волга буйы федераль округындағы тулы хоҡуҡлы вәкиле Игорь Комаров республика етәксеһенә Рәсәй Федерацияһында торлаҡ төҙөлөшөн үҫтереүгә ҙур өлөш индергән өсөн юғары награда тапшырҙы.
2018 йылдан Башҡортостан йыл һайын торлаҡ төҙөлөшө өлкәһендә Рәсәй лидерҙары иҫәбендә. «Торлаҡ һәм ҡала мөхите» милли проекты буйынса 2019-2024 йылдарҙа республикала 17,5 миллион квадрат метрҙан ашыу торлаҡ сафҡа индерелгән, 2024 йылда иһә рекордлы 3,348 миллион квадрат метр.
2025 йылда «Йәшәү өсөн инфраструктура» яңы милли проекты буйынса республикала шулай уҡ 3 миллион квадрат метрҙан ашыу торлаҡ файҙаланыуға тапшырылған.
Башинформ яҙғанса, Радий Хәбиров көслө йоғонтоло төбәк башлыҡтары рейтингында позицияларын нығытты.
