Ольга Кабанова — республиканың яңы хеҙмәт министры
Башҡортостандың яңы ғаилә, хеҙмәт һәм халыҡты социаль яҡлау министры итеп Ольга Каабанова тәғәйенләнә. Был хаҡта Радий Хәбиров хөкүмәттең оператив кәңәшмәһендә белдерҙе.
Быға тиклем Кабанова ведомство етәксеһенең беренсе урынбаҫары вазифаһын биләне.
«Эстафетаны ҡабул итеп алығыҙ һәм эшкә тотоноғоҙ», — тине Хәбиров.
Хәтерегеҙгә төшөрәбеҙ, 15 йылдан ашыу республиканың хеҙмәт министры булған Ленара Иванова Башҡортостан Дәүләт Йыйылышы — Ҡоролтайға эшкә күсә.