Февралдә республика парламентының пленар ултырышында Башҡортостандың Экология кодексына һәм «Башҡортостан Республикаһында айырыуса һаҡланған тәбиғәт биләмәләре тураһында» Законға үҙгәрештәр индереү планлаштырыла. Тейешле закон проекты һуңғы уҡыуҙа ҡарала.
Башҡортостан парламенты спикеры Константин Толкачев белдереүенсә, төбәктә үҫемлектәрҙең хәүефле төрҙәренә ҡаршы көрәш көсәйтелә. Законға ярашлы, ер участкалары хужаларынан республика хөкүмәтендә раҫланған исемлектәге инвазив үҫемлектәрҙе асыҡларға һәм юҡ итергә тейеш. Махсус һаҡланған тәбиғәт биләмәләре һәм урмандар өсөн федераль ҡануниәт менән көйләнгән махсус тәртип ғәмәлдә була.
Инвазив үҫемлектәр республика экосистемаһы өсөн хәүеф тыуҙыра, тип билдәләне Константин Толкачев.
«Инвазив үҫемлектәр бик тиҙ тарала, — тине ул. — Ҡайһы берҙәре хатта кеше өсөн дә ағыулы булырға мөмкин. Мәҫәлән, Сосновскийҙың эфир майҙары тирене яндыра, яралар оҙаҡ уңалмай. Уларҙың үрсеүенә юл ҡуйырға ярамай».