Башҡортостан Башлығы кадрҙар тәғәйенләү тураһында белдерҙе
Конкурс процедураларынан һуң Башҡортостанда Көйөргәҙе һәм Әбйәлил райондары хакимиәт башлыҡтары эш башланы.
Көйөргәҙе районына Лира Тереғолова башлыҡ итеп тәғәйенләнде. Хәтерегеҙгә төшөрәбеҙ, Лира Рафаил ҡыҙы – республика муниципалитетында етенсе ҡатын-ҡыҙ етәксе.
– Һеҙгә уңыштар теләйбеҙ! Һеҙҙең көс-дәртегеҙгә ышанабыҙ, тәжрибәгеҙ ҙур, – тине Радий Хәбиров райондың яңы башлығы менән таныштырғанда.
Республика етәксеһе Әбйәлил районының яңы етәксеһе Әминев Айрат Зиннәт улын да ҡотланы.
– Ҡотлайбыҙ! Еңел булмаған осорҙа районға идара итеү эшенә тотоноуығыҙ өсөн рәхмәт. Һеҙ эшлекле, әүҙем кеше, беҙ һеҙгә ярҙам итербеҙ, – тип билдәләне Радий Хәбиров.
