Башҡортостан Башлығы Max мессенджерында үҙ каналын асты

Радий Хәбиров социаль селтәрҙәге сәхифәһендә яңылығы менән уртаҡлашты.

«Max мессенджерында үҙемдең каналымды астым. Был илебеҙҙә Президентыбыҙ Владимир Путин ҡушыуы буйынса булдырылған мессенджер, — тип яҙҙы Радий Хәбиров. — Яңы каналда мөһим яңылыҡтар менән уртаҡлашырмын, идара итеү командаһы ҡабул иткән ҡарарҙар, республика тормошо хаҡында хәбәр итермен».

Ошо һылтанма max.ru/radiyhabirov буйынса ҡушылырға мөмкин.

Республика етәксеһе элекке мессенджерҙарында ла бәйләнештә ҡала.

Сервистың матбуғат хеҙмәте мәғлүмәттәре буйынса, МАХ-та 18 миллион ҡулланыусы теркәлгән.

https://www.bashinform.ru/news/politics/2025-08-19/glava-bashkirii-otkryl-svoy-kanal-v-max-4354551