Владимир Путин яҡташтарыбыҙҙы дәүләт наградалары менән билдәләне
Рәсәй президенты Владимир Путин Башҡортостанда йәшәүселәрҙе дәүләт наградалары менән бүләкләү тураһында указға ҡул ҡуйҙы. Документтан күренеүенсә, Ватан журналистикаһын үҫтереүҙәге ҡаҙаныштары һәм күп йыллыҡ уңышлы хеҙмәте өсөн «Өмөт» гәзитенең баш мөхәррире Рәдис Ноғомановҡа «Рәсәйҙең атҡаҙанған журналисы» тигән маҡтаулы исем бирелде.
Бынан алдараҡ Башинформ дәүләт башлығының Башҡортостандан Регина һәм Илшат Лоҡмановтарҙы «Ата-әсәлек» даны ордены миҙалы менән бүләкләүе хаҡында хәбәр иткәйне.