Әбйәлил районы башлығы отставкаға китте
Башҡортостандың Әбйәлил районы башлығы Илдар Нафиҡов вазифаһын ҡалдырҙы. Был хаҡта «Башинформ»ға үҙ сығанағы хәбәр итте.
Бөгөн Асҡарҙа район Советы сессияһының сираттан тыш 5-се ултырышы үтте. Унда хакимиәт башлығы вазифаһын ваҡытлыса башҡарыу бурысы хакимиәт башлығының беренсе урынбаҫары Руслан Хәлиловҡа йөкмәтелде. Ул конкурс һөҙөмтәләре буйынса муниципаль район советы тәғәйенләгән етәксе килгәнсе ошо вазифала эшләй.
Илдар Нафиҡовтың артабанғы пландары хаҡында әлегә хәбәр ителмәй.
